บวชไม่ให้สึก แต่งงานไม่ให้หย่า มันกะบ่แมน

เสียดายที่บ่ได้เบิ่ง ตอนใส่เสื้อแมนยูเตะ แต่กะบ่เป็นหยังเมื่อก่อน กะเชียร์มาดริด ยูเว่ยุ ยามบ่ได้เตะกับแมนยูยุ ปีก่อนมาเป็นเดอะแบกเลย สื่อต่างๆกะย้องเอา คอนเทนท์ มาปีนี้ยอมรับว่าบ่เข้าระบบทีมปานได๋ กะบ่เป็นหยัง แต่สื่อเก่าๆนั้นหล่ะ ด่าปานว่าไปลักเอาไก่ตีเขาเนาะอ้าย กะบ่เป็นหยัง สิด่าสิย้องเจ้ากะคือสิอ่านภาษาไทยบ่ออกดอก อีกอย่างคือสิบ่มีเวลามาสนใจหมูกัดกันทางพี้ดอกเนาะ ไปดีมีชัยครับอ้าย ฮักคือเก่าบ่ เปลี่ยนแปลงย้อนบ่แมนสาย คอนเทนท์ เฮามันฮักกันตั้งแต่เจ้าใส่เสื้อเบอร์ 17 แลนกุนๆตอนบอลยูโร ปีที่ชิงแล้วแพ้กรีก รอเชียร์ทีมต่อไปที่กำลังสิไปเด้ออ้าย ทางนี้ให้เด็กน้อยเผิ่นเล่นกันสาเนาะ กำลังเข้าขาเลยและไปได้ดี เก่าไปใหม่มา ตามกาลเวลาและกฏของโลก

ฮักเด้อลูกพี่ โรนัลโด้