เนื้อเพลง เด็กหงส์ (ทอง) - บอย พนมไพร

คำร้อง/ทำนอง เต้ย อธิบดินทร์
เรียบเรียง กะปอมก่าเร็คคอร์ด

หลอยมักเจ้าตั้งแต่มื้อแรก
ตั้งแต่เฮาได้แยก อยู่ตะวันแดงคืนนั้น
อ้ายกับน้องเฮานั่งโต๊ะใกล้กัน
ได้แลกไลน์กัน ใจอ้ายสั่นน้องฮู้บ่

แต่ติดที่อ้ายเป็นผู้บ่าวไทบ้าน
ใส่เกิบแตะเต้นหน้าฮ้าน น้องสิรับได้บ่
ผู้บ่าวไทบ้าน มีมาตรฐานเรื่องแอลกอฮอล์
แบล็ก รี ซีเจน เบนมอร์
บ่เคยพ้อ อ้ายมันเด็กหงส์

อ้ายมันเด็กหงส์เด้อหล่า
สิมีปัญญาได้เคียงข้างบ่
เด็กหงส์หน้าตาบ่หล่อ แต่ว่าอ้ายฮักจริง
อ้ายมันเด็กหงส์เด้อน้อง รับรองสิบ่ทอดทิ้ง
เด็กหงส์รักใครรักจริง
ได้แล้วบ่คิดสิทิ้งให้เจ้าเสียใจ

กะฮู้อยู่เด้อว่าอ้ายมันบ่สมเจ้า
คันขึ้นซื่อว่าเหล้า ไผกินกะเมาทั้งนั้น
น้องกินเหล้าแดงกะใส่น้ำแข็งคือกัน
โปรดอย่าแบ่งชั้น กีดกันให้อ้ายฮักน้อง

บ่แม่นเด็กผี อ้ายบ่แม่นเด็กปืนใหญ่
สเปอร์ หงส์แดงกะบ่ใช่ แต่อ้ายมันเด็กหงส์ทอง
โอกาสจากนี้ ก็ขอให้มันขึ้นอยู่กับน้อง
ว่าเจ้าอยากสิลอง สังกัดหงส์ทองนำกันบ่

อ้ายมันเด็กหงส์เด้อหล่า
สิมีปัญญาได้เคียงข้างบ่
เด็กหงส์หน้าตาบ่หล่อ แต่ว่าอ้ายฮักจริง
อ้ายมันเด็กหงส์เด้อน้อง รับรองสิบ่ทอดทิ้ง
เด็กหงส์รักใครรักจริง
ได้แล้วบ่คิดสิทิ้งให้เจ้าเสียใจ

อ้ายมันเด็กหงส์เด้อหล่า
สิมีปัญญาได้เคียงข้างบ่
เด็กหงส์หน้าตาบ่หล่อ แต่ว่าอ้ายฮักจริง
อ้ายมันเด็กหงส์เด้อน้อง รับรองสิบ่ทอดทิ้ง
เด็กหงส์รักใครรักจริง
ได้แล้วบ่คิดสิทิ้งให้เจ้าเสียใจ

ได้แล้วบ่คิดสิทิ้งให้เจ้าเสียใจ